من اتراب مثلي نعم... بس للجمال اسباب
رب الجمال اعتقد .... سواك في محـراب
اباب جنة عدن.... تين ونخل واعنــــــاب
بقالبك خله عسل.... وشويه ذبله تــراب
بسواد العين يسمر من ترابي
شعجب گلبك تغير من ترى بيه
انا ما اضن ترابك من ترابي
حضنتك والعسل جللب بديه
من طين مثلي ..اعترف..بس عود مثلي الطين؟؟
ذرات منك بقن... لمهن وسوه العين
عشره بالميه ندى...ويمكن ورد عشرين
ومد روحه نهر الخمر كملك السبعين
سلالتكم من نسب يوسف نسبهه
الدنيا بغير نضراتك نسبهه
الوادم ميه بالميه نسبهه
بس نسبة جمالك سبع ميه
وسبحانه كمل بعد فوك السبع ميه
رش اعله گلبك وفه وعالروح حنيه
وانطاك واهس طفل وعيون حوريه
بس؟؟؟عافك بلا بخت وتورطت بيه
واللوله البيك جي مابيك لوله
ملاك امن السمه البلمهد لوله
جمالك ماتجاوز بشر لولــــــه
الخمره اويه العسل طبگن سويه