ملتقى طلبة كليات التمريض العراقية

السلام عليكم .. نود ان نعلن لطلابنا الاعزاء في العراق والوطن العربي عن انطلاق هذا المنتدى المبارك
ملتقى طلبة كليات التمريض العراقية

هــذا الموقــع بجهــود شخصيــة ولا ينتمـــي الى جهــة حكومــية اوجهـــات اخــرى



***تحية خاصة الى الاستاذ الدكتور محمد فاضل عميد كلية التمريض جامعة بغداد***
تحية خاصة الى دكتور زاهد معاون العميد في كلية التمريض جامعة بغداد.....





    اجمل قصائد جبار رشيد

    شاطر
    avatar
    ممرض جامعي
    المشــــــــرف العــــــــــــــــام

    عدد المساهمات : 189
    تاريخ التسجيل : 18/02/2011
    العمر : 26

    اجمل قصائد جبار رشيد

    مُساهمة  ممرض جامعي في الأحد فبراير 27, 2011 5:11 am

    الى بنت الدلال قصيدة بعنوان(منين اجيت)
    منين اجيت

    الدنيا مو دنية عشگ يبن الحلال
    لا تخلينة بمحبتك ننجبر
    انت ابن العافية وابن الدلال
    واحنه ولد الموت ربانه الفقر
    بينه وبينك فرق كلش چبير
    وما نگول اسباب كل هذا الفرق
    وما نكمل السالفة الحد الاخير
    امن الاساس وياك مسدودة الطرق
    وياك ما نرهم وما ترهم محال
    ويانه ما تگدر تدوم وتستمر
    وباهو گلك بالسهل درب الوصال
    وانت تدري دروبنة مورثة جمر
    ***********
    ***********
    منين اجيت وبالعشگ عندك يقين
    منين اجيت وياهو سوالك درب
    انطيني مهلة وخل اشوفن وضعي زين
    وخل اشوف انوب هم اگدر احب
    گلبي تيهتا وشرد ما ادري وين
    وانه صار اسنين ما عندي گلب
    وخالي گلبك وانت بعيونك جمال
    كل جمال الكون يمك يعتذر
    نبع شفتك يعني كلماتك زلال
    والعطش بالروح تاركم جم فطر
    ******
    منين اجيبنلك خلگ يرهم عليك
    وانت اية امن الحسن واحلا الدلع
    وانه يا فرحة الاحطه ابين اديك
    وانه بچفوفي عمر شلت الوجع
    حتى ما عندي ابتسامة امنرد اجيك
    وليش تشلع گلبك بگلب انشلع
    وليش تطلع خاسر ومشلول حال
    وتترك الضحكة وعليمن تنقهر
    راجع افكارك بعد عندك مجال
    ليش بيه تريد گلبك ينكسر
    **********
    *********
    ادري بيك تحبني ما داعي الكلام
    وادري بدموعك صدگ تبچيلي
    من تجيني لا تكلمني بغرام
    عفية عوف الشوگ لا تحچيلي
    انه ليلي بلاية واهس ما انام
    اشلون لو صرت انت واهس ليلي
    واشلون لو حبيت شكلك والخصال
    واشلون لو باچر تروح وتعتذر
    هم ترد لمن اگللك تعال
    وتنتضر لمن اگلك انتضر
    **********
    **********
    احنه عدنه الحب يعني الحب عذاب
    ولازم امن ننحب نذب بالحب فلك
    ولازم نحب باب بيتك والتراب
    ونحب كلشي العايد وراجع الك
    ونحب ناسك كلها شيب اوية الشباب
    ولازم نحب كل عمامك وي هلك
    ولازم نحبك نحب الخال خال
    وكل هذني شوية لتگول اشكثر
    احنه ما عدنا العشك صفنة وخيال
    احنه من نحب نطگ وننفجر
    **********
    **********
    نخاف من حبك لان حبك جديد
    ذهب چنه وياهو اليشوفة انعجب
    والمشاعر (فقرة) (معضدها) حديد
    وانت يم (الفقرة) لا تطلع الذهب
    وياك ما نصقل بعد لا ما نعيد
    عوفنه ولتگول بينولي السبب
    احنه ما عدنه جواب لاي سوال
    لان من شفناك تيهنا الفكر
    هم شفت فد يوم گالو للدلال
    ليش متحملة حضن نار الجمر
    الدنية مو دنية عشگ يبن الحلال
    لا تخلينة بمحبتك ننجبر
    انت ابن العافية وابن الدلال
    واحنه ولد الموت ربانه الفقر
    avatar
    حيدوري

    عدد المساهمات : 124
    تاريخ التسجيل : 04/02/2011

    رد: اجمل قصائد جبار رشيد

    مُساهمة  حيدوري في الأحد فبراير 27, 2011 1:56 pm

    الله عالشعر ما اجمله .. مشكورعالمساهمة

      الوقت/التاريخ الآن هو الأربعاء ديسمبر 13, 2017 1:41 am