قصيدة رائعة وجميلة لصباح الهلالي

لئن تضوي وترف وبلمست أيدي تذوب تخجل من ضواك وتنطفي الشمعه

يلعينك سفينه تعاند الملاح تشگ روج البحر بس تغرگ بدمعه

من گد ماترف ينشاف بيك الماي وبجيدك نزل شلال مو مجعه

ماچلچل علينه من الگصيبه يغار ومسودن الليل وجيب اليقنعه

على خدك ضوة شمس ألله بي تحتار تبچي وي الأذان وتنحب وتنعه

يل همسك غنه ويل صفنتك موال وصفه لكل مريض يطيب الي يسمعه

بليل بليل أنت واحد بالنهار أثنين لئن ضلك مرايه وعينه أتبعه

وأضن عشرين وأزيد حملت أمك بيك لئن دقة جمالك مو شغل تسعه

طبع نمرة وغزالة تجمعن بيك سبحان الخلق رقه بشراسه

ياطيبة گبل ياغنوة السبعين ياخيط الضوة الماليل جاسة

الناس تكوم تحرس من يجي الليل أنت الليل لازملك حراسه

لغز ماحله كلمن حاول وياه بشر جسمه الشمس والگمر راسه

ياحاصل جمع كل عطر الورودأنضرب مرتين في مليون ياسه

ياواحه عســـــــل والعمر خلص جوع أعله كيفك بس دبگ ماردنه طاســــــــــــــــــــه