ما يعجبني أشارك بالحچي وياك؟
لان عندي سوالف ضام هواي،
انه المعذور صوتك يطرب الروح،
وضحكتك جن رياض يجر وناداي،
أبوسك كون كلك رايد اليوم،
وابدي من الجدم لشفاك بهداي،
مثل ماي وينخله وشلت الحال،
يتشلبه من العرگ حد راسهه الماي،
وخايف والضهاري شموسهه عيون،
أريد ألبد بظلك واشبع فياي،
وسمعت الناس إلك صاحوا ولف ياي،
وحرت عالسچه ألف رايح وألف ياي،
أريد أتمدد بطولك وألفياي،
يكسر والشمس تنده بديه.
وفضل ما أنكره حزنك حسن الحال،
اضحك بيه صرت لهموم دنياي،
وطعنات الظهر منها انه ممنون،
لان لو لا الطعن ما يعزف الناي،
تغطيت وبعدني ألليله بردان،
ابرد مو لان مو انته وياي،
خيالك يغفه يمي ينام تعبان،
ونص الليل يبرد يأخذ غطاي،
وشسولف ما بعد تحظرني كلمات،
من گالوا أجه وما صدگت جاي،
بمنامي وبيك نحلم تونه غافين،
فزينه وسمعنه إعله الدرب جيت،
طشينه إلچفوف لعين ملكاك،
ما لحگنه بيهه نجيب چكليت،
وشلعنه الباب خاف يكضك الباب،
وطلع يركض كبل ما نطلع البيت،
ابتليت وشال كلبي بابليه،
ومنك خذت بابل بابليه،
بعد للبيت ما أحط باب ليه،
شلعته بدگتك يأخرك عليه.
