مغازلة حلوة للشاعر المرحوم عبد الحسين الحلفي

انت الي تعنيت وانت الردتني . من دخت كلش بيك رائسن عفتني
تمشي وية غيري شلون ما اقبل بهاي . و كانا غار عليك من تمشي وياي
ها ناسي ها مليت ها لوقرولك . لو شفت غيري يلوك طولة وية طولك
ما مرة وحدي مشيت من نمشي لاثنين . لو انت تمشي وياي لو دمعة العين
شو ماكو شو ما جيت شو مختلف ليش . ما تدري بالحسرات هدن علي جيش
من عندي ما ادري شطاع من كتلي رايح . من دورو وياي ثار اني طايح

هلكد حلا حط بيك سبحانة ربك . خلانة مزدحمين دوم على دربك
هلكد حلا حط بيك سبحانة باريك . دورلك احلى اوصاف حطهن شلع بيك
هلكد حلا حط بيك سبحانة داراك. يمكن قبل هابيل ربك بدى وياك
هلكد حلا حط بيك سبحانة قادر . بس الحلك موضوع يترس دفاتر
هلكد حلا حط بيك جلت قدرتة . حتى اليصلي الليل داخ وصطرتة
هلكد حلا حط بيك سبحانة قدوس. اليبوس المفروض يتوضة ويبوس
شلعت كلبي واكول لناس مرتاح . واحس انة صرت بيدك مراجيح
وسلني تمرجحت بية وصرت خيط . وافكر بيك اخاف انكطع واطيح
يمي بس صعب مو سهل يلاح وافكر بية ودايخ يمتة الوحة
من كد ما حلو مو دوخ الناس من كد ما حلو داخ على روحة